خرابيط عالصبح

انا عارف انّي هالأيام عم اكتب مواضيع كتير شخصية ... بس معلش ... اتحمّلوني شوي..

 رح اقوم اقلي بيض... على طريقة بابا ... بزيت الزيتون.. الشوية اللي باقيين عندي... ليش ما بعتت التنكة من عمّان مع ان بابا زهق و هوه يذكّرني!!؟ مش عارف.. جد انّي كسلان

بعدين.. لازم امر على Avis قال شو ... الfog lights مش موجودين عالسيارة! شو فوغ لايتس و ما فوغ لايتس! شو بدي بالفوغ لايتس انا!!؟ امّا تخلّف!

بعدين عالشغل، عندي شغل كتير اليوم (كالعادة) مش عارف من وين ابدأ طبعا بس انشالله مافي مشكلة

طيّب ... و الليلة عندي فيلم ... طيّب حلو... بس لو انه اقرب شوي .. ياللا بسيطة...

فيلم امبارح كان كتير حلو (Happily N'ever After) جد كتيير ضحكت .. بكتب الريفيو بعدين

همم .. رح اشيّك اهم بلوجّين بعرفهم... مش معقول شو رهيبين ... مع انهم  جداد .. اسماء و ليلى ... جد رهيبين... مش مصدقينّي؟ شوفو بنفسكم: Laila - Palestinian Cosmologist  و أسماء - أُمُّ اليُمنْ  بصراحة .. ما توقعت بلوجرجية ... ما صرلهم زمان يكونوا هيك ... و ما حد يزعل منّي ... لأنهم فعلا فطاحل!

طيّب ... شو كمان.. آه... اعمل شوية قهوة .. شكلي تأخرت ... ياللا ... بشوفكم بعدين! و الله مجنون انا بحكي مع البلوج!