وين رايحة

حلو كتير أهالينا يخافوا علينا و يتطمنوا على بناتهم خصوصا لمن يكونوا مربينهم صح و عندهم ثقة فيهم، بس و الله مرات بنخنق من هالسؤال و ما بحب أجاوب عليه مو لأني بدي أروح مشوار همن ما بشوفوا صح، بس أنا  مسؤولة من حالي  بعتبر إلي الحق إني ما أكون مجبورة أحكي وين بدي أروح ، ليش لازم أجاوب بالتفصيل  وين يا بابا رايحة ؟ شو اسم صاحبتك؟ دانا شو؟وين ساكنين ؟ إيمتن بدك تروحي؟ بينما نادرا ما بسمع هالسؤال بتكرر لأخوتي الصبيان الأصغر مني لمن يتلبسوا و يفتحوا الباب و يطلعوا!

مو اعتراضي إنهم يخافوا علينا بس مرّات كتير ما بحب أجاوب عالسؤال بلكن طالعة بدي أمشي لحالي شوي أو ما في مشوار محدد براسي بدي أروحه، ما بحب أجاوب والدي لمن يسألني وين رايحة و أقله عالصالون متلا!لأني بعتبره مشوار خصوصي أو بلكن بدي أروح أعمل شي تطوعي ما بدي أقوله لحدا أو أشتري شي خاص، طب ليش لازم لازم يعرفوا وين رجلي بدها تمشي أكتر مني ؟ هيك بصير قدامي خيارين إما أني أضطر للكذب و اختراع فكرة مشوار آخر أو أعمل متل اليوم و أحكي " مشوار خاص، ما بدي أحكي و ين ببساطة"

هلأ في فرق بين الاطمئنان و الإشراف العام و بين اعتبار الأهل إلهم الأحقية بمعرفة أدق الأشياء عن أبنائهم، في دائرة خاصة جدا بالفرد ما بحق لحد يقتحمها حتى لو كانوا أهالينا اللي بحبونا.

يعني على الأقل أعطوني نسبة عشرة بالمية حق إني ما أجاوب بشي بخصني أنا أكتر من أي حد تاني! عن جد طريقة إصرار معرفة الجواب كأنه فرض عسكري لازم أأديه مو خيار شخصي خلتني ما أجاوب و ما بدي أجاوب ..

عن جد بكفي...! لا حد يسألني وين رايحة!

Red Rose