اعزب دهر و لا سنجل شهر

By: Qwaider

On:Thursday, March 04, 2010 2:58:11 AM
In:Thoughts
Viewed: (4619) times

Currently 4.7/5 Stars.
1
2
3
4
5

Rated 4.7/5 stars (92 votes cast)

يلعن اخت العزوبية يا جماعة! الواحد بيعييش طول عمره سنين اعزب، و لا بيحس بشي ... بس المدام تسافر و اللا تاخد اجازة من شكل جوزها و طلعتو البهيّة ... بياكل الزلمة ستّين هوا!

شو هالحياة هاي! مش طايق حالي!! احكيلكم؟ مش طايق حال حالي... لا ... مش طايق حال الهوا اللي حولي... شو هالعيشة هاي!!؟ كيف العالم بتتزوّج و بيعييش الزلمة في بلد الست في بلد تاني! شي بيفقع المرارة!

آخ بس من النسوان ... كل ما بعّدوا عنّا بنعرف قيمتهم اكتر!

يعني الواحد و هو اعزب ... ولا بتفرق على ... و لا مؤاخذة يعني! لكن بس يتزوّج و يستقر و يعرف معنى البيت و الأسره و هيك... بيتصير العزوبية شي زي الخــ ... و لا مؤاخذة سامحوني

بس جد! فقعت معي! مش طايق حالي!

واللي بعدو اعزب عمرو ما يتزوّج! جد بحكي! هاد الزواج زي الهروين! ادمان! بيصير الواحد مش عارف يقعد 10 دقايق على بعض بدون المدام! شو هالهم!

في حين انا متأكّد ان النسوان ما في احلى على قلبهم من "الإجازة" من طلعة زوجها البهيّة! و خفّة دهّه و بشاشته! يا بيييي شو مشاقة لبشاشته! اخ منكم يا نسوان! بتتمسكنو و بعدين بتفلّو

Memories....

#2
Hamdanism
Said
On: 3/4/2010 6:13:52 AM
SpamScore=[1.48]

انا بقول هيك برضوا :P

#3
whisper
Said
On: 3/4/2010 9:13:14 AM
SpamScore=[2]

له له له كل هاد ولسّا ما كملت الاسبوع :)
الله يعينك عالباقي....انا بحكي تكتبلك اجازه و فلاي عندهم بسرعة

بعدين حرام عليك...هلأ ميوش نسوان :$ الله يسامحك