الغالي سعره فيه؟

الرد: شوفي يا ستّي، مش دفاعا عن بني جنسي و لا اي شي، بس مش كل اصابعك زي بعض!

غير عن هيك البنت اللي بتساعد [عريسها/زوجها] هاي بتتقل بالذهب لأنه مش مفروض عليها شي

صحيح في اكمن شب احتمال فكّروا بالطريقة السلبية في البنت لكن هدول سعرهم بسعر السفيه، ما بيتّاخد عليهم. اعطيكي مثل بسيط، سيّدنا محمد كان فقير و كانت زوجته خديجة غنية لكن هذا لم يمنع احترامه و تقديرة لها طوال حياته. مع انّها على الأغلب هي من دفعت تكاليف كل شيء.

والصحيح، ان الزواج هاي الأيام كلّه مصاريف و تكاليف باهظة على مظاهر كذّابة في الأصل و مطلوب من الجيل الجديد من الصبايا و الشباب رفضها حتى لا تستمر و تدمّر مجتمعنا بأكمله!

الشيء الصحيح ان الزواج كلّما قلّت تكاليفه، زادت بركته. و اسوأ شيء بتعمله الفتاة هي انّها تحمّل الزوج فوق طاقته لأنه اذا كان واحد بيعايرها "مرّات" انها تسامحت معه و هي مذمّة افضل من المدح بصراحة! فسيلعنها كل يوم لأنها حمّلته فوق طاقته وما رح ينسالها اياها ابدا

الزواج مش بيعة و شروة و اذا وحدة كلّفت اقل لا يعني كانت "رخيصة"! الزواج شركة و عشرة عمر و اسرة كل هاي الأشياء لا تقدّر بثمن. و اللي ما بيقدّرها بغض النظر عن تكاليفها انسان ما بيستاهلها ولا بأي شكل من الأشكال. لكن انا متأكد انه نسبة هيك شخصيات صغيرة جدا! فالشاب و الرجل السوي سيحفظ المعروف و الجميل طول العمر. الخطأ ان وقع بيكون في الإختيار:

 فمن يصنع المعروف في غير أهله .. يكن حمده ذمـاً عليه و يندم