يا عيني على هالأكلات

By: Qwaider

On:Sunday, July 05, 2009 10:21:28 AM
In:Thoughts
Viewed: (3061) times

Currently 4.5/5 Stars.
1
2
3
4
5

Rated 4.5/5 stars (26 votes cast)

مرّات الواحد بيلاقي حالو في موقع من المفترض فيه انّو يكذب. لا و يتمادى في الكذب كمان لأبعد الحدود...

ابسط مثال اذا كنت معزوم عند ناس، وجابولك هالأكل اللي حتى الحيوانات بتهرب منّو! بتلاقي حالك بتلذّذ في مدح المصيبة اللي عمّالك تاكلها ... و طبعا علشان ما تنكشف، بتقعد تلعب بالأكل اللي في الصحن على اساس انّك عم تاكل. و طبعا قمّة الشطارة انّك تلخبط الصحن و تعيد توزيع مكوّناته بطريقة هندسية تبيّن انّك ماشالله عليك آجرت في الأكل و ان الباقي هو مجرّد "بواقي" طبيعية ممكن لأي انسان يتركها

السؤال اللي بطرح نفسو، اذا انا، و كل الناس كذّبت بالطريقة هاي على ست البيت اللي طابخة، كيف بالله ممكن تستوعب ان اكلها ما بينبلع و انها مو شيف، و لا بتفهم بالطبخ من قريب و لا من بعيد! و اذا اعفت العالم من اكلها المقرف بتكون رحمتهم!؟

لأ جد و الله، كيف الست ممكن تفهم ان اكلها مش "ماشاءالله عليه" و لا "بيجنّن" و لا "مافي ازكى منّو" و لا حتى بينبلع؟ و ان معظم الكلام اللي انحكى مجاملات اجتماعية؟ (حتّى لو الأكل خلّص، و العالم قعدت ساعتين تحمد و تشكر في زكاوة الأكلات). ممكن مثلا بيعملو هيك علشان يجبروا خاطرها بما انهما مغلّبه حالها و عازمة! أو مثلا علشان جوزها يعني ينبسط منهم اذا كان في بيزنس بينهم مثلا. او حتى هيك.. بدون سبب لأنّه الناس اتعوّدت تكذب في هاي الحالات و تقول اي كلام و السلام!

المشكلة ان الستات ممكن بكل بساطة يصدّقوا حالهم و انهم عن جد بيفهموا بالطبيخ و ان الوحدة نفسها في الأكل احسن من الشيف اسامة بن لادن. يعني اذا زوجها بيكذب لأنه مو جاي على بالوا يوجع راسو. و اذا الناس بتجامل علشان عيب و ما بعرف شو. كيف ممكن للإنسان يتعلّم؟ او يتحسّن؟

اعتقد ان الحل الوحيد هو ان البنت تخلّي امّها تنقد اكلها. و اعتقد الأم هي الإنسانة الوحيدة اللي البنت رح تقبل منها نقد حتى لو كان شو ما كان.

الله يسترنا من عزايم هالنسوان، و تخبيصهم (قصدي طبيخهم) اللي ما بينبلع! صار الواحد بيتمنّى ما ينعزم.

مالها البيتزا!؟ اللي ما بتعرف تطبخ ... تطلب بيتزا! و الله بتوقّف عليها ارخص. و بترحم العالم و المستشفيات من عجايبها! بس الأهم انّها رح ترحم العالم من انّهم يضطرّوا يكذبوا ... لو ما عجبتهم البيتزا بيلعنوا ابو اصحاب المحل، و هي ما الها دخل!

Memories....

#1
Rani
Said
On: 7/5/2009 11:40:30 AM
SpamScore=[1.5]

LOL

#2
Tamara
Said
On: 7/5/2009 12:21:18 PM
SpamScore=[-4.44]

Qwaider

I feel that people should give criticism but they should be gentle about it, saying hmmm I feel that if I add this spice to meat it turns out better...or something of the sort, or at least praising the good dishes only, so that she gets the idea. I usually tell people if they ask me for my opinion in the their clothes or makeup. because if every one sees that its hideous and don't comment then the poor soul will repeat the outfit or the dish in this case, but by telling him or her the will fix the problem.

#3
maiiiiis
Said
On: 7/5/2009 12:45:07 PM
SpamScore=[2]

ما في احلا من التعامل الصادق مع كل الناس فهذا يدل على الرقي في التعامل

#4
vagueraz
Said
On: 7/5/2009 1:47:19 PM
SpamScore=[0.23]

looooooool..
sheklooo enta ma3zoom 3nd naas w el akel ma bynbala3 kan :p lol w etareet taklooo :P hehe,,
6aib ya el rjaal ma tjarboo entoo totbo5ooo , nshuf shu bytla3 ma3akum :):P lol

#5
whisper
Said
On: 7/5/2009 3:38:44 PM
SpamScore=[1.48]

ما المشكله اذا بتكون ست الحسن والجمال والدلال متعلمه الطبيخ من امها....و تخبيصها نفس تخبيص امها اللي الكل بشكر فيه كمان غصب عنهم
هون المصيبه :$

هيك بتنسى موضوع العزايم عن ستات العيله كلها لانهم متعلمين على ايد نفس النجار ...قصدي الطباخ

#6
KJ
Said
On: 7/5/2009 4:18:27 PM
SpamScore=[8.00000000000001E-02]

I guess when you come for a visit, it's prego sauce for you :P

#7
hamede
Said
On: 7/5/2009 9:18:15 PM
SpamScore=[0.42]

أنا بس أروح عند ناس الأكل مش زاكي اطلب كثيراً من الملح فلفل حار بكل شوية بس عمري ما بكل عندهم

#8
Dreamy Villager
Said
On: 7/5/2009 11:04:38 PM
SpamScore=[0.48]

الله يعينك..أنا قبل أسبوعين اضطريت أكذب بخصوص سر مش لازم أحكيه.. مع انه اللي بكذب عليهم عارفين كذبتي بس حبوا يحرجونني..فأنا طلعت براسي بدي أكذب زيادة

أما بالنسبة للطبخ العجبة..فيمكن تقدر تنقد بس بطريقة غير مباشرة ..يعني زي ما حكت تمارا..قول الملح زيادة أو البهار خفيف..بس بحياتك لا تحكي رأيك بس تبلش أكل..قوله بآخر الوجبة اذا قدرت تتحمل للآخر..او اعمل حالك مركز بالطعم وحسيت فيه اشي مختلف..واقترح طريقتك الخاصة لنفس الطبخة وانها لو جربتها رح تعجبها كثير

#9
Bashar Barakat
Said
On: 7/6/2009 1:01:44 AM
SpamScore=[0.97]

هههه لأ akeeeeeeeeeeeeeeeed بعين الله وكلنا على هل طريق ... نكذب مشان نريح راسنا

#10
Mohammad B. Irshid
Said
On: 7/6/2009 10:41:37 AM
SpamScore=[0.48]

لأ في طريقة او حل..
زوجها المحروس وينو، ولا متل الارنب لابد؟
الوجدة جوزها هي اللي بحكيلها يا مرة اكلك هيك هيك هيك مش يسكت، وبعدين الزلمة الشاطر اللي بعرف مرته ما بتعرف تطبخ يعزم الناس على مطعم راقي، هيك بكون زبط معهم متل ما بتقول اذا عزمهم على وليمة بيزنس، ومن ناحية تانية بسمع مرته حكي في البيت متل :"هلئ مش لو طبخك احسن كان جبناهم عالبيت"؟؟؟ ومن هالحكي
بالنهاية الاكل مش مشكلة مقابل مشاكل تانية

#11
سوزان
Said
On: 7/7/2009 7:11:25 PM
SpamScore=[11]

اول مره باعرف انه اسامه بن لادن شيف !!!بس في هاي صدقت في ناس اكلهم خبايص وا1ا بلعت الاكل في العافيه وبتحكي الهم الحمدلله ما راح يقتنعوا بس في شغله مش شرط الام اللي تنتقد انا زوجي مثلا ما اله لحيه مشطه اللي ما بيعجب بيحكي على طول يعني هلا الملوخيه محرمه عنا على الرغم اني بحبها

#12
Qabbani
Said
On: 7/7/2009 8:42:45 PM
SpamScore=[1]

بحل هاد الموضوع
1- ما باكل بدور على سلطةاو اي شي اخف مصيبة
2- بتحجج اني عامل ريجيم
3- في حال الضغط الشديد بعتذر و بحكي الأكل ماناسبني

اغلب يلي بعرفهم و بعزموني بعرفو انه اذا ما حبيت الأكل بلطش حكي على السفرة موضحا انه الأكل مو طيب

و برمضان ما بقبل العزيمة لأعرف شو طابخين و صحابي بيعرفو انه في حال ما عجبني الأكل لساني سليط و ما بجامل ابدا حتى مع مرتي او امي او خواتي

لأنه ما بنمزح معي بالأكل بالمرة

#13
JUMANA :)
Said
On: 7/8/2009 2:28:59 AM
SpamScore=[0.27]

هيهيهي مسكين، احمد ربك انك جربتهم أبل ما يعزموك على رمضان

أنا ما بتفرء عندي. إذا إلي طابخة ست كبيره بمشيها وبشرب ماي كتير وبؤل شبعت.. بس إذا صبيه وشايفة حالها .. بنزل فيها بهادل على أساس عم أمزح !! هو هو هوو

أليل وصايره معي هيك شغله،،ما باكل عند أي أحد غير ما أفوت عل مطبخ واشوف بعيني كمان!! :D :D

YA m3atareen malla msebeh :D

#14
Mariam Ayyash
Said
On: 7/11/2009 2:48:04 PM
SpamScore=[-1.09]

ومين قالك إنو إذا إنت ما عجبك الأكل ما حدا ثاني عجبو؟ والدليل على إنو في حد عجبو إنو لسة المرة عام ططبخ ولسة الأفندي تبعها بعزم العالم على طبيخها :)
الصحيح إنو الواحد بحب الأكله زي ما كانت تطبخلو ياها امو :)
بس أنا مرة إنعزمت على كنافه بالموزاريلا، مش بس كان لزم أكذب، وكان لازم أزلطها :( ولهليوم ما بعرف كيف زلطتها عن جاد حسيت حالي راح يجيني جلطة، بس الشباب إلي كانوا قاعدين ما قصروا لنو بعرفو لل هوست أنا كان أول مرة بدخل بيتو واللي زاد الطين بله
بس لما أخذت عليه ما قصرت، بذكرو فيها كل ما أشوفو :)

#15
Jano
Said
On: 7/12/2009 2:59:08 PM
SpamScore=[0.24]

ya allah sho nefse a7ke la hal wa7deh eno aklek bekhze!! o kol ma nroo7 3endha o tkoon tabkha eno ma bedkom taklo? ma bet7ebo tabekhe??? zay ka2eno jareemeh eza me ben7eb tabeekh.ha.. it happened with two families eno wladhom ma byaklo tabkha mo3ayaneh be bait.hom o be7ebooha 3ena hehe eno ma betfakker el ommayeh be la7zet.ha eno why?! i mean its obvious why bs eno work on it khalle aklek zay el 3alam!!

ya khofe ana atla3 wa7deh menhom lol lesa ma t3allamet tabeekh :D 3ala oltak,, malha el pizza :p bs maio mashallah 3aleha ;) bede kobbeeeeeeh!! >:(